Waxaa goor dhow furmay kulankii 29-aad kalfadhiga 4-aad ee Golaha Baarlamaanka Soomaaliya oo maanta ahmiyad gaara leh, kadib markii ajendayaasha lagu soo daray warbxiinta muranka dhalisay ee Guddiya Maaliyadda Baarlamaanka.
Kulanka waxaa shir guddoominaya guddoomiye ku xigeenka labaad ee Golaha Shacabka Mahad Cabdalla Cawad, waxaana soo xaadiray 178 xildhibaan, iyado lagu wado inay qaar kale ku soo biiraan, waxaana ka dhex muuqda wasiirada xildhibaannada ah ee xukuumadda ka tirsan.
Ajendayaahsa kulanka oo la sii kordhiyeya waxay kala yihiin:
1- Warbixin maaliyadeedka miisaaniyadda 2018
2- Hindise sharciyeedka wax ka bedelka hanti dhowrka guud ee Qaranka
3 iyo Qeybinta hindise sharciyeedka wax ka bedelka sharciga Lam.11_5/12/2006 ee shaqaalaha rayidka dowladda.
Waxaa la filayaa in wasiirka Maaliyadda C/raxmaan Ducaale Beyle uu Golaha warbixin ka siiyo miisaaniyadda 2018 ee hadda socota, kana jawaabo su’aalo ku saabsan eedeyn musuq oo loo jeediyey wasaaradiisa.
