Tobanaan qof ayaa ku dhintay magaalada Barakeysan ee Maka Almukarma gaar ahaan XARAMKA kadib markii ay dhaceen dableyo xoog leh iyo rooban keenay inuu soo dumo Wiish aad u dheer oo dhismaha loo adeegsado kaasoo howlo balaarin ah Masjidka xaramka ka waday.
Ciidamada gargaarka degdegga ah ee Sacuudiga ayaa xaqiijiyay in xujeeyda dhimatay ay gaareyso 87 qof iyadoo ay ku dhaawacmeen 201 kale, lagana cabsi qabo in qasaaruhu intaas ka bato.
Salaadii Casir kadib ayaa la sheegay inuu shilkan dhacay, waxaana ay arrin dhacdo aad uga argagixisay xujeyda halkaas ku sugan.
Amiir Khaalid Bin Feysal amiirka Gobolka Maka iyo la-taliyaha Boqorka Sacuudiga ayaa degdeg u dhisay guddi shilka dhaca soo baara oo warbixin ka keena wixii maanta dhacay iyo sida ay wax u dhaceen.
Lama soo werin weli dhimasho soo gaartay xujeyda Soomaalida, waxaa la sheegay in qof xaaji Soomaali ah uu dhaawac ka soo gaaray shilkii maanta.
Wadani.com
[ad name=”HTML-1″]
