Wararka laga helayo magaalada Baydhabo ayaa sheegaya weerar qorsheysan ay goor dhow ku qaadeen kooxo hubeysan oo Alshabaab ka tirsan kuwaasoo ku lebisnaa dharka ciidamada dowladda Soomaaliya iyadoo qaraxyo la beegsaday xarunta madaxtooyada Baydhaba kadibna rasaas xoog leh ay ka bilaabtay halkaasi markii kooxo hubeysan ay gudaha u galeen xarunta.
[ad name=”HTML-3″]
Xarunta oo fadhi u ah Maamulka Koofur Galbeed ee uu hogaamiyo Shariif Xasan Sheekh Aadan ayaa waxay wararku sheegayaan inay ku sugnaayeen Shariif Xasan iyo wasiiro ka tirsan maamulkiisa, weerarka ayaa ahaa mid aad u balaaran oo in muddo ah dagaal iyo rasaas badani dhacayaan. Shariif Xasan ayaa la sheegay inuu ka badbaaday weerarkaasi. Saddex qof oo weerarka soo qaaday ayaa la caddeeyay inay dhammaantood ku dhinteen halkaasi oo meydkooda la soo bandhigay.
Ciidamada Itoobiya oo u dhowaa xarunta ayaa u soo gurmaday ay ka qeyb galayaan caabinta kooxaha weerarka soo qaaday. Waxaana la sheegay in ciidamada Itoobiyaanka ay Shariif Xasan ka saareen xarunta kadibna la geeyay garoonka diyaaradaha Muqdisho. Qasaaraha weerarkaasi qorsheysan ayaa soo baxaya, waxaana dhimasho iyo dhaawac soo gaartay ciidamada ilaalada xarunta iyo kuwa AMISOM. Tiro dad dhintay iyo kuwo ku dhaawacmay ayaa la dhigay isbtiaalka magaalada Baydhaba.
[ad name=”HTML”]
[ad name=”HTML-5″]
