Dhaxal-sugaha Sacuudiga Maxamed Bin Salmaan ayaa xiisad culus ka dhex abuuray dalkiisa iyo Iiraan kadib markii uu hoggaamiyaha ruuxiga ah ee Iiraan ku tilmaamay Hitler.
Iraan ayaa oo jawaab kulul ka bixisay hadalkaasi ayaa dhinaceeda dhaxal sugaha taajka boqortooyada Sucuudiga ku sheegtay in uu yahay qof aan “Garaadkiisu bislaan” waxayna ugu yeertay keligii taliye yar oo caqli maran.
Dagaalkan afka ah ee labada dal ee gobolka ku loolamaya dhex maraya ayaa wasaaradaha arrimaha dibadda labada dal. waxayna Iiraan ku eedeysay Amiir Maxamed Bin Salman mid aan heysan wax feker ah oo ku saabsan tallaabooyinkiisa qar iska tuurnimada ah ee uu wado.
Amiirka oo hadda noqday hogaamiyaha dhabta ah ee Sacuudiga ayaa go’aan adag ka qaatay dalka Iiraan. Wuxuuna wareysi ay la yeelatay jariirada New York Times ku sheegay inay ka hortegi doonaan saameynta Iiraan ee Gobolka Bariga Dhexe.
“Ma doonayno Hitler cusub oo Iran oo ku celiya wixii ka dhacay Yurub iyo bariga dhexe..” ayuu wareysiga ku yiri dhaxal-sugaha Sacuudiga oo hadalkaasi ula jeeday Ayatollah Ali Khamenei-ga dalka Iiraan.
Afhayeenka Wasaaradda Arrimaha dibadda Iiraan Bahram Qasimi ayaa ku eedeeyay amiirka dhaxalka leh ee Sacuudiga inuu hadalkiisu aanu sal lahayn iyo raad lahayn. “Waxaan kula talinayaa inuu ka fikiro masiirka kelitalisyada caanka ah ee gobolka bariga dhexe iyo halkii ay ku dambeeyeen” ayuu yiri afhayeenka.
