Ninka Caddaanka Cunsuriga aha ee ka danbeeyay weerarkii lagu laayey dad muslimiin ah oo ku tukanayey masjid ku yaala dalka New Zealand ayaa maxkamad la horkeenay, iyadoo lagu eedeeyay dil bareer ah.
Ninkan oo lagu macgaabo Brenton Tarrant, ahna 28 jir una dhashay dalka Australia ayaa kasoo la geeyay maxkamadda, isagoo xiran Dharka cad Cad ee maxaabiista, waxaana ku xirneyd katiinad, iyadoo ay dhinacyda ka socdeen laba askari oo ka mida ciidamada Booliska.
Nikan ayaa heystay afar Qori oo laba ka mida ay darandoori u dhacaan, kuwaasoo uu sharci u heysatay, wuxuuna Jimcihii shalay laayey 48 qof, isla markaana 40 kale dhaawacay. dilaaga weyn ee Tarrant ayaan qiran denbiga uu galay, waxaana lagu wadaa in 5-ta April markale maxkamadda dib loo horkeeno.
Dilaaga oo ka tirsan caddaanka mayalka adag ee isla weyn ayaa maxkamadda dhexdeeda ku soo bandhigay calaamadda ay isku gartaan kooxaha Cunsuriyiinta ah, wuxuuna ahaa qof dhoola-caddeynaya xilligii maxkamadda la geeyay.
Ammaanka guud ee magaalada Christchurch ayaa la adkeeyey. Waxaana la xiray dhammaan masaajidda kuyaal New Zealand, waxaana dalkaasi oo aanau hore uga dhicin falal noocan ah uu ku dhawaaqay in wax laga bedelayo sharciga iibsashada iyo heysashada hubka.
Dilaaga oo ka tirsan caddaanka mayalka adag ee isla weyn ayaa maxkamadda dhexdeeda ku soo bandhigay calaamadda ay isku gartaan kooxaha Cunsuriyiinta ah, wuxuuna ahaa qof dhoola-caddeynaya xilligii maxkamadda la geeyay.
