Madaxweynaha la doortay ee Maraykanka Donald Trump ayaa ka yaabiyay dadka Mareykanka markii uu amaanay madaxweynaha Ruushka.
Qoraal uu soo dhigay bartiisa twitterka ayuu ku ammaanay Donald Trump talaabada uu qaaday madaxweynaha Ruushka Mr Putin ee ah inuusan dalkiisa ka ceyrinku Diblomaasiyiin Mareykan ah sida Maraykanku sameeyay.
Mareykanka ayaa ku eedeeyya Ruushka inay ka dambeeyeen faragalin lagu sameeyey doorashadii Maraykanka ka dhacday. Maamulka Obama ayaa cunaqabateyn ku soo rogay Ruushka iyadoo uu eryaya in ka badan 30 Diblomaasi.
Madaxweynaha dalka Ruushka Vladimir Putin ayaa sheegay in uusan musaafurin doonin diblumaasiyiinta Mareykanka, isla markaana lagu marti qaadi doono caruurta iyo xaasaskooda xaflad la qabanayo sanadka cusub.
Mr. Putin oo la sheegay inuu saaxiib la yahay Donald Trump ayaa sheegay inuu sugayo inta uu xilka kala wareegaayo bisha January aakhirkeeda Trump, isla markaana aanu go’aan gaari doonin xilligan.
Wasaaradda arrimaha dibadda ee Ruushka ayaa ku talisay in dalka Ruushka laga eryo 35 diblmoaasiyiin u dhalatay Mareykanka taas oo jawaab u ah tallaabo taas la mid ah oo ay Washington qaaday.
Donal Trump ayaa nin xikmad leh oo waxgarad ah ku tilmaamay madaxweynaha Ruushka, iyadoo ay sii xooganeyso tuhunka laga qabo in Trump uu xiriir hoose la leeyahay Mareykanka.
Jawaabta la yaabka leh ee madaxweynah Ruushka ka bixiyay tallaabadii maamulka Obama ayaa si la yaab leh looga arkay dalka Mareykanka, waxaana xaaladda ay ka sii dartay markii Putin uu casuumaad u diray caruurta iyo xaasaska Qoysaska Diblomaasiyiinta Mareykanka ee Ruuska jooga inay ka qeyb galaan xafladda sanadka cusub ee ka dhici doona guriga looga taliyo Ruushka ee Kremelinka.
Vladimir #Putin: I offer New Year greetings to President Obama & his family, also to President-elect @realDonaldTrump & the American people! pic.twitter.com/Jmj8u5LvrQ
— Russia 🇷🇺 (@Russia) December 30, 2016
Wadani.com
