Tartan culus oo Afar musharax ku dhex maraya Kursiga HOP024 iyo Lacago badan oo lagu kala qaatay
Waxaa goor dhoweyd magaalada Jowhar ka bilowday doorashada kursiga HOP024 ee Baarlamaanka Federaalka oo noqday kursigii ugu horeeyay ee doorashadiia la bilaabo xilli Saq Dhexe ah kadib.
Kursigan tirsigiisu yahay Hop#024 ayaa ah mid tartan culus oo furan loo gelayo, waxaana ku tartamaya Murashixiinta kala ah:
1- Maxamed Axmed Maxamed Beereey
2- Yuusuf Maxamed Cabdi ( Xaaji Dool)
3- Bashiir Macalin Cali Xasan
4- Cabdulqadir Carrabow Ibrahim.
Waxaa kursiga hore uu fadhiyey C/qaadir Carrbaow laakiin waxaa tartan adag uu ka heystaa sidii uu kusoo laaban lahaa, waxaana ugu cadcad Maxamed Axmed Beerey iyo Yuusuf Maxamed Xaaji Dool.
Magaalada Jowhar ayaa caawa oo dhan ku jirtay olole xoog leh iyo kala jiidashada ergada kursiga, waxaana musharixiinta ay bixiyeen lacago badan, isagoo kursigan uu noqday mid ka mida kuw ugu kharashka badan Baarlamaanka 11-aad.
