Waxaa magaalada jigjiga lagu saxiixay heshiis dhex maray dowladaha Soomaaliya iyo Itoobiya oo ku saasban dagaaladii dhowaan ka dhacay xuduudka labada dal u dhaxeeya oo dad badani ay ku dhinteen. Laba maalmood oo wadahadal ah kadib waxaa heshiiskan kala saxiixday labada dhinac. Waxaa heshiiska ka muuqday in lagu celceliyay inuu dagaalku ka dhacay Gobolka Qoraxey ee Dowlad deegaanka Soomaalida Itoobiya.
Qodobada Heshiiska:
- Xabad joojin rasmi ah oo ka bilaabanaysa maanta oo taariikhdu tahay 07/6/2015. Dagaal danbena inuusan ka dhicin deegaanadii dhibku ka dhacay. Labada dhinacna waxay fariin nabadeed u gudbinayaan dadka shacabka ah.
- Maanta oo taariikhdu tahay 07/6/2015 in degaanadii dagaalku ka dhacay ay ka caagan yihiin xoogag hubaysan oo sharci daro inay ka dhaqdhaqaaqaan.
- Dadka Soomaalida ah ee ku nool gudaha Itoobiya iyagoo aan loo eegin Diin, Qowmiyad, Luuqad, Qabiil IWM… waxay leeyihiin xuquuq dastuuri ah iyo sinaansho dhinaca adeegyada Dowladda.
- Laba dhinac waxay ku heshiiyeen inay xoojiyaan xiriirka iyo nabad kuwada noolaanshaha labada dal.
- Labada dhinac guud ahaan, gaar ahaana Gobolada Qoraxey ee Dowlad Degaanka Soomaalida Itoobiya iyo Galagaduud ee Bartamaha Soomaaliya iyo meel kasta oo labada Dowladood deris ka yihiin in si nabadgelyo ah lagu xaliya wixii khilaaf ah ee soo baxa, iyaga oo adeegsanaya Odayaasha Dhaqanka, Xoogaga Nabadgelyada iyo Maamulada labada dhinac.
- Dhibaatadii ka dhacday Dowlad Deegaanka Soomaalida Itoobiya waxaa si gooni ah xil uga saaran yahay xalintooda Maamulka iyada uu la tashanayo isla markaas na kaashanaya Shacabka ku dhaqan deegaankaas. Iyaga oo Dowlad Deegaanka Soomaalida Itoobiya xalinayaan sababihii keenay khilaafka.
- Labada dhinac waxay ku heshiiyeen in ay ula dagaalamaan si wada jir ah Cadowgooda Alshabaab, UBBO iyo u Adeegayaasha Wadamada Shisheeye ee cadowga ku ah degenaanshaha iyo nabadgelyada labada dhinac.
- Waxay labada dhinac ku heshiiyeen inay si wadajir ah iyo si gaar gaar ahba ula dagaalamaan cadowga iyo cid kasta oo si khaldan u adeegsanaya qalabka warbaahinta, abuuraysana colaado.
Wadani.com
[ad name=”HTML-1″]
[ad name=”HTML-6″]
