Madaxweynaha Mareykanka Joe Biden ayaa ku dhawaaqay in ciidamo gaar ah oo Mareykan ah loo dirayo dalka Kenya si ay gacan uga geystaan dadaallada gobolka ee ka dhanka ah argagixisada.
Madaxweyne Biden warqad uu u qoray Koongaraska Mareykanka ayaa ku sheegay inuu ogolaaday in ciidamo gaar ah loo diro Kenya, kuwaasoo la filayo inay iskaashi kala sameeyaan militariga Kenya la dagaalanka Al-Shabaab. Tirada ciidamada ayaan shaacin.
Imaatinka Mareykanka ayaa lafilayaa in uu kor uqaado amniga dalka Kenya oo sanadihii lasoo dhaafay ay Al-Shabaab kala kulmeen weeraro, iyadoo ciidamadeea jooga SOomaaliya ay awoodi waayeen inay ka hortagaan.
Madaxweynihii hore ee Mareykanka Donald Trump bishii Diseembar ee 2020 amar ku bixiyay in laga soo saaro Soomaaliya 700 oo askari oo Mareykan ah ugu dambeyn ka baxay 15-ka Janaayo 2021.
Madaxweyne Biden wuxuu ku dhawaaqay talaabada militari ee soo socota oo ay qaadi doonaan ciidamada Mareykanka ee ku sugan dalka Kenya, sida lagu sheegay warbixintii labaad ee madaxtinimadiisa ee loo gudbiyay koongareeska Mareykanka.
Weerarkii Al-Shabaab ay ku qaadeen xerada sida weyn loo ilaaliyo ee Camp Simba ee Manda Bay, Lamu bishii Janaayo ee 2020 oo lagu dilay 3 Mreykan ah ayaa si dhaqso leh u soo jiiday feejignaan cusub ee Mareykanka.
