Saraakiishii hore ee ciidamada dalka ayaa dalbaday in meydka Jeneraal Maxamed Cali Samatar la keeno dalka Soomaaliya si loogu aaso dalkiisa.
Saraakiishan oo baaq toos ah u diray dowladda Soomaaliya ayaa dalbaday in Jeneraalka oo taariikh weyn ku leh dalka iyo ciidamada Soomaaliyeed loo howlgalo sidii dalkiisa hooyo loogu aasi lahaa, arrintan oo ehelka marxuumka ay gacanta ku hayaan.
G/sare Adan Magan oo ka mid ahaa ciidamadii dalka ayaa ku amaanay Cali Samatar inuu ahaa aabaha labaad ee ciidamada milateriga kadib Jeneraal Daa’uud, wuxuuna dalbaday in dalkiisa lagu aaso oo aanay dhicin in lagu aaso dhul shisheeye.
Madaxweynihii hore ee Soomaaliya Maxamed Cali Samatar ayaa waaberigii saaka ku geeriyooday Virgina dalka Mareykanka oo uu muddo dheer ku noolaa isagoo da’diisu tahay 88 sano jir.
Gabar uu dhalay marxuumka Sahra Maxamed Cali Samatar ayaa iminka ah wasiirka Haweenka iyo xuquuqda Insaanka Soomaaliya, waxayna wararku sheegayaan inay socdaal wadahadal ku saabsan qaabka aaska marxuumka u dhici doono.
Wadani.com
