Eedeysanihii reer Puntland ee lo heystay kiiska naxdinta leh ee uu kula kacay gabar yar oo ka dhacay magaalada Boosaaso ayaa laga dhoofiyay magaalada Kismaayo.
Ciidamada Booliska Jubbaland ayaa eedeysane C/risaaq Warsame Axmed ka dhoofiyey saaka Garoonka Kismaayo, waxaana lagu maxkamadeyn doonaa magaalada Garowe iyadoo loo heysto tacadigii uu kula kacay Faa’isa Cabdi.
Falka uu eedeysanahan geystay ayaa si weyn u gilgilay dadka Soomaalida, waxayna arrintiisa noqotay mid si weyn looga hadal hayo baraha bulshada, kadib markii uu tacadi iyo xabad uu xubinta taranka ugu dhuftay gababdha yar ee Faasia Cabdi.
