Waxaa dhowaanahan soo baxayay cabasho waxgaradka iyo dadka magaalada Beledweyne ay ka qabaan qorshe uu wado guddoomiyaha Gobolkaasi C/fataax Xasan Afrax oo ku saabsan iibinta xaruntii Daraawiishta magaalada Beledweyne oo ahayd xero aya lahaayeen ciidamada Booliska Soomaaliyeed oo hadda lagu wareejinayo dad shacab ah iyadoo laga iibinayo.
Qorshahan oo xitaa aanay guddoomiyaha ku taageersanayn maamulka degmada Beledweyne ayaa ah xiriir la leh madaxda sare ee dalka kadib markii aanu soo xaqiijiyay kiiskan iyo waxyaabaha ku wareegsan.
Xeradan oo markii hore ay lahaayeen ciidamada Daraawiishta Soomaaliyeed ayaa noqotay mid u gacan gashay dad shacab ah iyadoo laga dhigay xarun dugsi lagu magacaabo Mujamac oo si gaara ay ugu shaqeysanayeen dad gaara.
Xaruntaasi ayaa la qorsheeyay in dadka laga iibiyo kadib markii ay isla garteen madaxweynaha Soomaaliya Xasan Sheekh Maxamuud, Taliyaha ciidamada Booliska Soomaaliyeed Gen. Maxamed Sheekh iyo wasaaradda arrimaha gudaha, waxayna arrintan ka dambeysay dhaqaale gobolku doonayo in halkaasi loo ogolaaday in laga soo saaro.
Xerada ayaa maamulku sheegay inay gudaha u gashay magaalada oo ku fiday, iyadoo markii hore cirifka magaalada ku taallay, sidaasi darteedna madaxda sare ee dowladda ku ogolaadeen in la bixiyo hantidaasi qaran, ciidamada booliskana meel kale laga siiyo duleedka magaalada.
Arrintan waxaa ka soo baxday qeylo dhaan weyn oo inteeda badan ay ku lug leeyihiin dadka leh dugsiga Mujamaca ee xarunta ku yaallay iyo siyaasiyiin kale oo hanti qaran ahaan u difaacaya arrintan.
Magaalada Muqdisho ayaa dowladda federaalka ay ka sameysaya arrimo noocan oo kale ah iyadoo dhul dan guud ahaa si ganacsi ahana loogu cabiray dadweyne, waxayna tani noqoneysaa lunsiga hantida qaran oo la gaarsiiyay goboladda dalka.
Wadani.com
