Dowladda Soomaaliya ayaa la shaaciyey tirada ciidamada ay u direyso dalka Koonfurta Suudaan, iyadoo ay ciidamadaasi qeyb ka noqon doonaan ciidamada difaaca Goboolka ee la geynayo dalkaasi oo dalalka IGAD ay dirayaan.
Dalalka Soomaaliya iyo Jabuuti ayaa ciidamadaasi ku yeelan doono 99 askari oo dal waliba qeyb ahaan ug biirinayo ciidamada loo yaqaan “Regional Protection Force”, halkala dalalka Suudaan iyo Uganda ay dalkaasi u dirayaan ciidamo gaaraya 499 dal waliba.
Ciidamada IGAD ayaa la shaqeyn doona ciidamada dalka South Sudan ku sugan ee Q/Midoobay oo loo yaqaan UNMIS oo difaacaya dadka shacabka ah iyo madaxda, waxaana go’aanka ciidamadaasi loogu dirayo qaatay madaxda IGAD.
Soomaaliya ayaa ka mid noqotay dalalka IGAD ee ciidamada nabad ilaalinta u diraya dalalka Koonfurta Suudaan, waxayna direysaa 99 askari, kadib heshiis ay IGAD kasoo shaqeysay oo dhowaan lagu saxiixay magaalada Addis ababa.
Shir Madaxeedkii Goboleedka IGAD ee Addis ababa lagu qabtay bartimihii bishii September ayaa lagu go’aamiyey inay IGAD kala shaqeyso Golaha ammaanka xaqiijinta in ciidamo goboleedka difaaca ee Regional Protection Force (RPF) la geeyo lahaa Koonfurta Suudaan, iyagoo ka imaanaya dalaka Sudan, Uganda, Jabuuti iyo Somalia.
Soomaaliya oo ay ka howlgalaan ciidamo ka socda Midowga Afrika ayaa iyaduna ciidamo u direysa dal ka tirsan IGAD.
