Wasaaradda Difaaca Mareykanka ayaa shaacisay inay duqeyn ku dishay Jeneraal Qaasim Suleymani oo hoggaaminaya Guuto ka mida ciidamada ilaalada kacaanka Iiraan ee loo yaqaan Qudus oo ka howlgala dalal badan ka mida Bariga Dhexe.
Duqeyntan ayaa aroortii Jimcihii saaka ka dhacday meel u dhow garoonka diyaaradaha magaalada Baqdaad, xilli uu halkaasi gaaray, isagoo ka yimid dalka Siiriya; waxaana la sheegay inay la dhinteen hoggaamiyeyaal ka tirsan maleeshiyooyin reer Ciraaq ahoo uu ka mid yahay Abuu Mahdi Almuhandis ku xigeenkii maleeshiyada ciidamada Ciraaq raacsan ee Xashdi Alshacbi, arrin loo arkay inay tahay xiisad colaadeed oo halis ah, taasoo keeni karta inay isku dhacaan Mareykanka iyo Iiraan.
Dowladda Mareykanka waxaya xaqiijisay inay duqeyn cirka ah ku dishay Jeneraal Qasem Soleymani, taasoo ahayd tallaabo ka hortag ah, iyadoo ku eedeysay inuu waday qorshe halis ku ah danaha Mareykanka, kana mas’uul ahaa weerarkii dad bannaanbaxayaal ah ku galeen safaaradda magaalada Baqdaad ee dalka Ciraaq.
Wasaaradda gaashaandhiga ee Mareykanka ayaa sheegtay in dilka Qasem Soleiman uu amray Madaxweynaha Mareykanka, Donald Trump. Soleimani ayaa lagu dilay meel aan ka fogeyn garoonka diyaaradaha ee Baqdad ee dalka Ciraaq.
Qaasim Suleymani oo ahaa 62 sano jir, waxaana ciidamadiisa ka howlgala dalalka dibadda sida dalalka Iran, Ciraaq, Lubnaan, Suuriya iyo Yemen u ahaa nin aad looga baqo, iyadoo la wada sugayo kulan degdeg oo ah leeyihiin madaxda dowladda Iiraan oo aan la ogeyn jawaabta ay ka bixin doonto.
Madaxweynaha iiraan ayaa cambaareeyay falka Mareykanku ku dilay Jeneral Qaasim Suleymani, taasoo uu sheegay inuu muujinayo taagdarrada Mareykanka. halka wasiirka difaaca dalkaasi uu sheegay in Mareykanka uu ku dhaqaaqay fal qar iska tuurnimo ah oo uu ka shaleyn doono.
