Wararka laga helayo magaalada Muqdisho ayaa sheegaya in fal dil toogasho uu caawa ka dhacay magaalada.
Dilkan oo ay geysteen koox ku hubeysan Bistoolado ayaa ka dhacay xaafada Ceel-dhanaanow ee degmada Dharkeynley, iyadoo lagu dilay askari ka tirsan dowladda hoose ee Gobolka Banaadir (Minashiibiyada).
Askariga oo magaciisa lagu sheegay Bashiir Maxamuud Maxamed, ayaa dadka degaanka ay sheegeen inuusan wax shaqo ah ku jirin xilligaasi, waxaana kooxda soo weerartay ay rasaas ku fureen, iyagoo baxsaday markii ay hubsadeen inuu geeriyooday.
Ciidamada ammaanka oo halkaasi gaaray kadib dilka ka dhacay ayaa baaritaan ka sameeyay xaafadda, mana jirto ay u qabteen falkaasi.
Dilalka khaarijinta ah aya joogto ka noqday magaalada Muqdisho oo muddooyinkan danbe marti gelineysa ololihii ugu weynaa ee dilka khaarijinta ah.
Wadani.com
