Waxaa maanta 15 Maarso 2017 booqasho ku yimid magaalada Muqdisho xoghayaha arrimaha dibadda Britian Boris Johanson oo la kulmay madaxweynaha Soomaaliya Maxamed C/llaahi Farmaajo.
Ka sokow soo dhoweyn ay ka muuqatay nidaam darro iyo fowdo oo la waayay cid u qalanta oo garoonka ku soo dhoweysa xoghaya UK ayaa waxaan dib u eegeynaa waxyaabaha ay ku kala duwan yihiin booqasho tan la mida oo xoghayihii hore arrimo dibadeedka UK Philip Hammond ku yimid Muqdisho June 2, 2016.
Maxay isaga mid yihiin labada booqasho..?
1- Inay qarsoodi ahaayeen, sida caadiyan ka dhacda dalalka xaaladoodu aanay caadiga ahayn arrimo ammaan dartood.
2- In laga qariyay wasaaradda arrimaha dibadda oo labada booqasho ay isku koobeen shaqaalaha madaxtooyada ee labada madaxweyne. (AKHRI XASAN SHEEKH) AMA (AKHRI FARMAAJO)
3- Inaan loo sameyn soo dhoweyn rasmi ah labada xoghaye oo aan khaladaadkii hore waxba laga baran.
4- In wasiiradii shaqada ku lahaa hor istaago la-kulanka madaxda noocan oo kale ah oo shaqaalaha madaxtooyada isku koobeen.
MAXAY KU KALA DUWANAAYEEN..?
Halka qodob ee labada booqasho oo ay Muqdisho ku yimaadeen xoghayeyaasha Arrimaha dibadda Britian wuxuu ahaa in Madaxweyne Xasan Sheekh uu Philip Hammond kula kulmay Garoonka Diyaaradaha Aaden Cadde, halka Madaxweyne Maxamed C/llaahi Farmaajo uu kula kulmay Villa Somalia.
Qodobkan danbe ayay soo dhoweeyeen dad badan oo ogaa ololihii doorashada ee Farmaajo, inkastoo kulamo badan uu u tegay Garoonka Aaden Cadde waxaa laga sugayaa inuu ku adkeysto qaabilaadda Madaxweynaha inay ka dhacdo xafiiskiisa.
HOOS KA DAAWO SAWIRRADA LABADA KULAN
SOCDAALKII BORIS JOHANSAN EE MUQISHO – Maarso 2017
SOCDAALKII PHILIP HAMMOND EE MUQDSHO June 2016
