Wareegto ka soo baxday Hay’adda Sirdoonka iyo Nabadsugidda Qaranka ee NISA ayaa lagu sheegay in Shan Xubnood ka mid hay’adda laga saaray hay’adaasi.
War kooban oo lagu qoray barta hay’adda NISA ee twitter-ka ayaa lagu sheegay in shantan xubnood oo aan magacyadooda la shaacin ay ka hor yimaadeen hannaanka shaqo gudasho iyo danaha Qaranka, isla markaana aysan u qalmin ka sii mid ahaanshaha NISA, iyadoo laguna aamini karin shaqo Qaran oo Xasaasi ah.
“Qoraalka NISA ayaa ahaan sidan: “Wareegto maanta kasoo baxday Hey’adda ayaa qeexday in shan xubnood oo ka horyimid hanaanka shaqo gudasho & danaha qaranka, aysan u qalmin kasii mid ahaanshaha NISA, laguna aamini karin shaqo qaran oo xasaasi ah..”
Waa markii ugu horeysay ee Hay’adda NISA laga eryo xubno ka tirsan, waxaana Hay’adda hadda hoggaamiya Agaasimaha KMG ah ee Fahd Yaasiin Xaaji oo xilkan haya muddo sanad ku dhow, iyadoo aan loo magacaabin agaasime rasmi ah.
