Dowladda Mareykanka ayaa baaq toos ah u dirtay Madaxweynaha muddo xileedkiisu dhammaaday iyo Ra’iisal wasaaraha xukuumadda xilgaarsiinta ee Soomaaliya.
Farriintan oo timid kadib warkii Beesha Caalamka xalay kasoo saartay khilaafka Maxamed C/llaahi Farmaajo iyo Maxamed Rooble Xuseen Roble ayaa si toos ah loogu diray labada mas’uul, iyadoo loogu sheegay inay dhammeeyaan khilaafkooda, ayna sida ugu dhaqsiyaha badan u jeestaan dhammeystirka Doorashada.
Farriinta ayaa ka timid Waaxda Arrimaha dibadda Mareykanka, waxayna u qorneyd sida sooo socota: “Waxaan ku boorineynaa Farmaajo iyo Rooble inay khilaafkooda ku xaliyaan si nabad ah, ayna xoogga saaraan sidii dib u dhac la’aan loogu dhammeystiri lahaa Doorashada. Doorashadu waxay muhiim u tahay nabadda iyo xasiloonida xilliga xog ee Soomaaliya iyo horumarka”
Dowladda Mareykanka waxay ka mid ahayd dalalka Beesha Caalamka ee war-saxaafadeedka kasoo saaray khilaafka Farmaajo iyo Rooble, laakiin waxay saameyn gaara ku leedahay arrimaha Soomaaliya.
