Madaxweynihii hore ee Soomaaliya Maxamed C/llaahi Farmaako ayaa maanta dib ugu soo laabtay caasimadda Muqdisho, kadib markii uu muddo 16 bilood ah dalka ka maqanaa.
Maxamed Farmaajo oo markii doorashada looga guuleystay May 2022 ayaa u guuray dalka Qatar ayaa waxaa garoonka Muqdisho kusoo dhoweeyay dad kooban oo mas’uuliyiin, saaxiibo iyo xildhibaanno isugu jira.
Farmaajo ayaa farriin kooban oo uu soo duubay ku sheegay inuu Muqdisho kusoo laabtay, isla markaana uu doonayo inuu ka qeyb qaato arrimaha wax ka bedelka Dastuurka ee hadda ka socda Baarlamaanka Federaalka.
“Waxaan doonayaa inaan ka shaqeeyo, xalna ka dhex raadiyo Dastuurka furan ee la doonayo in la dhammeytiro, Muwaadin kasta oo uu ugu horeeyo Madaxweynaha waxaa laga doonayaa inay xal noqdaan, meesha ugu danbeysa oo la rabo in la gaarsiiyana waa wadar-ogol iyo midnimada dadka Soomaaliyeed” ayuu Farmaajo ku yiri farriintiisa.
Wuxuu ku baaqay in mrxaladdan xasaasiga ah gacmaha la is qabsado oo meel iska dhigno khilaafaadka siyaasadeed ee jira.
