Waxaa magaalada Muqdisho ka socota qabanqaabada isu soo bax weyn oo la sheegay inuu beri ka dhici doono Magaalada Mudisho.
Bannaanbaxa ayaa lagu xusayaa guushii madaxweyne Farmaajo ka gaaray doorashada iyo 100-ka maalmood ee uu xafiiska fadhiyay, inkastoo warbixin ku saabsan 100-ka maalmood ee madaxweyne Farmaaj ugu horeysay ay muujisay inuu ka liitay dhinac waliba madaxweynihii ka horeeyay. [AKHRI QORMADA]
Qorshahan ayaa ujeedkiisu yahay in dadweyne fara badan oo kumanaan ah la isugu keeno garoonka ciyaaraha Stadio Konis ee Muqdisho, halkaasoo uu ka dhacayo xuska,. lana filayo inuu tago Madaxweyne Maxamed C/llaahi Farmaajo.
Xukuumada iyo Gobolka Banaadir ayaa ku howlan arrintan oo ku soo beegantay bisha Ramadaan, isla markaana saraakiisha ammaanka ay ka digeen in bannaanbax dad badan ka qeybgalaan aanu munaasib ahayn.
Taageerayaasha madaxweynaha oo ku adkeystay arrintan ayaa culeys kasoo wajahay hay’adaha ammaanka oo ka digay ammaanka isu soo baxa iyo inaysan xilligan ku habooneyn.
Madaxweyne Farmaajo iyo teegarayaashiisa ayaa ku adkeystay in xuska 100-ka maalmood ee xafiiska lagu xuso isu soo bax weyn oo degmooyinka Muqdisho lagu amray inay degmo waliba diyaariso 1000 qof.
Waa isu soo bax kii ugu horeeyay ee noociisa ah oo loo qabanqaabiyo madaxweyne talada hayay muddo 100 maalmood ah.
Wadani
