Xaflad xalay lagu qabtay magaalada Nairobi ee dalka Kenya ayaa lacago loogu ururiyay dadka Soomaaliyeed ee abaartu heyso.
Xafladan oo ahayd mid marii hore loogu talogalay soo dhoweynta madaxweyne Maxamed C/llaahi Farmaajo ayaa markii danbe laga dhigay in qofkii ka qeyb galaya uu bixiyo ugu yaraan 100 Doolar oo taageero ah.
Waxaa xafladda yimid mas’uliyiinta dowladda Kenya, Ganacsato iyo Soomaali fara badan. Waxaa kaloo ka qeyb galay xubno ka socday Bangiga aduunka iyo Hay’adaha samafalka ee fadhigoodu yahay magaalada Nairobi.
Madaxweyne Farmaajo oo goobta ka hadlay ayaa sheegay inuu dareemayo culeyska uu leeyahya xilka loo doortay. s “Anigu Farmaajo ahaan qabiil ma lihi waxaan ahay Soomaali, umada Soomaaliyeed oo dhan ayaan u dhexeeyaa. Sidaas oo kale ra’iisal wasaaruhu malaha qabiil waa Soomaali Sidaas ayaana ugu balanay inaan dalka ugu shaqayno.”
Madaxweyne Farmaajo ayaa markii xafladu dhamaatay wada salaamay qofkasta oo xaflada joogay.
