Madaxweynaha dowladda Federaalka Soomaaliya ayaa bilaabay markii ugu horeysay inuu khudbad hore loo sii duubay ujeediyo dadka isagoo sii marinaya telefishanka Qaranka SNTV, iyadoo aanay jirin munaasabad lagu soo beegay ama xaalad ay ka tarjumeyso.
Fariinta Madaxweynaha oo la baahiyay 22-ka Otoobtar ayay dad badani la yaabeen munaasabadda ay ka tarjumeyso iyagoo qaarkood u qaatay in lagu xusaayay munaasabadii 21-ka Oktoobar ee dhalashada kacaankii Hantiwadaaga!. Dad kale ayaa ua arkay inay ahayd mid hordhac u ah isbedel ay madaxweynaha iyo saaxiibada la shaqeeya doonayaan inay ku dhaqaaqaaan iyadoo beryahan la hadal hayay Hay’adda Adeegga Garsoorka.
Arrimaha ugu muhiimsan ee madaxweynuhu farriintiisa uga hadlay waxaa laga xusi karaa dedejinta sharciyada dib loogu dhisayo dalka ee horyaala Baarlamaanka, iyo qaar dhiman oo laga doonayo inay xukuumadda soo gudbiso, waxaana ka muuqday kalsooni aan caadi ahayn iyo inuu doonayo inuu dadka ku qanciyo in wax waliba ay wanaagsan yihiin, isagoo ku bilaabay inuusan madaxweyne ahaan u hadlaynin ee sida muwaadin caadi ah ula wadaagayo Shacabka.
Ka sokow khudbada madaxweynaha oo qaabka muwaadinka loo jeediyay waxaa ka muuqatay meesha in qaabeynta muuqaalka madaxweynaha iyo meesha uu fadhiyay la qurxiyay, marka laga reebo hal arrin oo beryahan danbe aad loogu wareeray taasoo ah muuqaalka Calanka Soomaaliya leeyahay iyo midabkiisa xaqiiqada ah!. Labada calan ee madaxweynaha ag yaala midka danbe iyo kan hortiisa suran waxay ahaayeen kuwo kala duwan, waxayna arrintan ahayn in xal loogu helo xafiiskii ugu sareeyay dalka, waxaase muuqata in midabka uu leeyahay calankeena uu muran ka taagan yahay xitaa xafiiskii madaxweynaha, taasoo ah ayaan darro inteeda la eg.
[ot-video type=”youtube” url=”https://www.youtube.com/watch?v=jSBNFZRtKJQ”]
Goobjooge Info
Muqdisho
