Faahfaahin dheeraad ah ay ka soo baxdays Kolonyo ay leeyihiin ciidamada AMISOM ah oo midkood shil la galay gaari BL ah oo dad shacab saarnaayeen magaalada Muqdisho.
Shilka oo ka dhacay inta Isgoysyada KM4 iyo Afasiyooni ayaa Gaariga BL-ka ah uu ka yimid KM4 ayaa ku sii jeeday Xamarweyne, halka Gawaarida gaashaaman ee AMISOM ay ka yimaadeen dhanka Xamarweyne kuna socdeen aroonka Diyaaradaha ee magaalada Muqdisho.
Ilaa 7 Qof ayaa ku dhaawacantay Gaariga BL-ka ah oo uu jiiray gaari ka mida kuwa ciidanka AMISOM, waxaana dhaawaca qaarkiis ay ahaayeen qaar culus.
Haweeney uur leh oo la socotay Gaariga BL-ka ayaa la sheegay inay ka mid ahayd dadkii ku dhaawacmay shilka, Dadka deegaanka ayaa sheegay in Gawaarida AMISOM ay ku socdeen wado qaldan taasina ay keentay shilka.
Ciidamada ammaanka oo meesha ka dhowaa ayaa qabtay ciidamadii shilka geystay ee AMISOM, waxaana soo noqnoqda falalka shilalka ee Gaadiidka AMISOM ku lug yeelato.
Wadani.com
