Garyaqaankii guud ee Somaliland Ibraahim Iidle Saleebaan ayaa toddobaad gudihiis ku noqday Guddoomiyaha Maxkamadda Sarre ee dowladda Federaalka Soomaaliya.
Arrintan ayaa dhacday iyadoo Ibraahim Iidle Saleebaan uu xilka garyaqaanka Somaliland iska casilay 27-kii April ee 2016, waxaana is casilaadiisa oo loo gudbiyay Madaxweynaha Somaliland lagu sheegay inay inuu waxbarasho dibadda u aaday.
Madaxweynaha Soomaaliya Xasan Sheekh Maxamuud ayaa maanta u magacaabay Ibraahim Iidle Saleebaan inuu noqdo Guddoomiyaha Maxkamadda sare ee dalka Soomaaliya, iyadoo xilka laga qaaday Guddoomiyihii Maxkamadda sare Avv. Ceydiid Ilka-Xanaf, kaasoo xilkan hayay tan sanadki 2011.
Guddoomiye Ibraahim Iidle Saleebaan ayaa isla maanta loo dhaariyay xilka Guddoomiyaha Maxkamadda sare, waxayna arritan la yaab ku noqotay dadka Waqooyi Galbeed ee la baxay Somaliland.
Guddoomiyaha Maxkamadda sare ee Soomaaliya Ibraahim Iidle Saleebaan ayaa ka soo jeeda Gobolka Togdheer, waxayna is xigaan Ceydiid Ilkanaxaf oo xilka laga qaaday.
Arrimaha noocan oo kale ah ayaa muujinaya in siyaasiyiinta Soomaalida aanay lahayn wax mabda’ ah ee mida waliba xil doon yahay.
Wadani.com
