Golaha Ammaanka Q/Midoobay ayaa war kasoo saaray xaaladda Soomaaliya, kadib markii Golaha ay warbixinno u jeediyeen 21-kii Novembar 2019, Wakiilka Q/Midobay James Swan, Wakiilka Midowga Afrika Francisco Madeira, guddoomiyaha Guddiga Doorashada Qara Xalimo Ismacil Ibrahim iyo Mdaxa ururrada Bulshada Osman Moalim.
Xubnaha Golaha Amniga Q/Midoobay waxay sood howeeyeen balanqaadkii dowladda Federaalka ee shirkii Wadatashiga Muqdisho 2-da Oktoobar oo ahaa in Sharciga Doorashada la ansixinayo Bishan Disembar 2019, lana qabanayo doorasho hal qof iyo hal cod ah, wuxuuna Golaha hoosta ka xariiqay in doorasho nabadgelyo ah, loo dhan yahay oo ku dhacda si hufan oo kalsooni leh ay noqon doonto tallaabo taariikhi ah oo hore loogu qaaday dib u dhiska iyo horumarinta dimoqraadiyadda.
Golaha Ammmaanka wuxuu caddeeyay in meel marin Doorashada ay u baahan tahay heshiis, wuxuuna ugu baaqay dhammaan hay’adaha iyo dhinacyada Soomaalida inay khilaafkooda dhinac iska dhigaan oo ay bilaabaan wadahadal wax dhisaya.
Xubnaha Golaha Ammaanka waxay adkeeyeen in hannaanka doorashada Soomaaliya uu noqdo mid loo dhan yahay, oo ogolaanaya inay ka qeyb qaataan dhammaan degaanada iyo beelaha, waana inay si buuxda uga qeyb qaataan haweenka oo la siiyo ugu yaraan qoonde ah 30% xildhibaannada dalka.
Dowladda Soomaalioya ayuu Golaha Ammaanka ugu baaqay inay soo celiso xiriirkii ay la lahayd maamul Goboleedyada, ayna si nabad ah ku xaliyaan khilaafaadka u dhaxeeya. Waxay si gaara u tilmaameen in baahi loo qabo xal laga gaaro khilaafka Jubbaland, waxay kaloo ku booriyeen in hormar laga sameeyo dib u heshiisiinta iyo qabanqaabada doorashada Galmudug oo ay ku door ku yeeshaan UNSOM iyo AMISOM.
Golaha Amniga Q/Midoobau waxay dib u xaqiijiyeen Qaranimada, madax bannaanida Soomaaliya inay tahay lama taabtaan.
