Gudiga Fulinta Golaha Badbaadaba Hirshabeelle, oo shir isugu yimid, uuna shir gudoominayay Mudane C/qaadir Maxamed Cusmaan (Barnaamij) ayaa u mahad-naqay Madaxweynaha Soomaaliya Mudane Maxamed C/laahi Farmaajo, Ra’iisul Wasaaraha Soomaaliya Xasan Cali Kheyre, iyo Amiirka Dalka Qatar Amiir Tamiim bin Xamad Aala Thaani. Mahadnaqaas oo ku aadan dhagax dhiga waddada Isku xirta Jowhar caasimada Maamul Goboleedka Hirshabeelle iyo Muqdisho caasimada Soomaaliya.
- Golaha Badbaadada Hirshabeelle, wuxuu u mahad naqayaa Madaxweynaha Jamhuuriyada Federaalka Soomaaliya Mudane Maxamed C/laahi Farmaajo, Ra’iisul Wasaaraha Soomaaliya Mudane Xasan Cali Kheyre, Wasiirada, iyo Howladeenada kale ee ka miro dhaliyay in la bilaabo “Mashruuca Dhisida Waddada Jowhar-Muqdisho-Afgooye”
- Golahu, wuxuu sidoo kale u mahad-naqayaa Dowlad Qatar ee walaalaha aynu nahay iyo Amiirkeeda; Amiir Tamiim Bin Xamad Aala Thaani oo maal gelinaya “Mashruuca Dhisida Waddada Jowhar-Muqdisho-Afgooye”
- Golahu wuxuu u arkaa Mashruucan in saameyn weyn oo dhaqaale uu ku yeelan doono kumaanaan qoysaska beeralayda iyo xoolaleeyda ee Maamul Goboleedka Hirshabeelle iyo Maamul Goboleedka Koofur Galbeed, kaasoo ku xiri doona “Suuqa Caasimada Muqdisho.
- Golaha Badbaadada Hirashabeelle sidoo kale isagoo dareensan muhiimadda mashruucan wuxuu ka codsanayaa Dowladda Qatar iyo dalalka aan saaxiibada nahay in la sii balaariyo ilaa laga gaarsiiyo Kismaayo ilaa Hargeysa, kaasoo noqon doono mashruuca Istiraatijiyadeed oo Qaran, saldhigna u noqon doona Midnimada Soomaaliya iyo horumar dadka iyo Dalka.
Dhamaad
