Guddoomiyaha Baarlamaanka Federaalka Somaaliya Prof. Maxamed Sheekh Cusmaan (Jawaari) ayaa xaalad halis ah oo adag ka soo wajahday kadib markii khilaafkii u dhaxeeyay madaxweyne Xasan Sheekh iyo Ra’iisal wasaare C/weli Sheekh Axmed uu soo gaaray baarlamaanka oo mooshin ay keeneen in ku dhow 140 xildhibaan.
Xildhibaanada taageersan madaxweynaha ayaa si kulul mooshin ugu geeyay Jawaari xilli uu ahaa kusime madaxweyne, iyagoo diiday inay iska laabtaan markii loo sheegay inuu nasiino ku jiro, waxayna xildhibaannadaas oo uu horkacayay Cali Ganey ay xoog ku galeen albaabka guddoomiyaha Baarlamaanka iyo qolkiisa gaarka ah, iyagoo u hanjabay, oo si weyn uga yaabiyay guddoomiyaha.
Xildhibaannada kale ee taageersan Ra’iisal wasaaraha ayaa iyaguna kulan gaara oo ay xalay la yeesheen Guddoomiyaha Baarlamaanka uga digeen inuu Baarlamaanka keeno mooshinka looga soo horjeedo Ra’iisal wasaaraha, waxayna si cad ugu sheegeen inuu sharci darro yahay mooshinka, haddii guddoonka Baarlamaanka ay keenaan kalfadhiga hadda socdana ay dhici doonto iska hor imaad keeni kara in la isku dhaco oo gacanta la iskula tago.
Guddoomiyaha Baarlamaanka oo labada dhinacba ka eedeysan ayaa xaaladu ku xun tahay, lamana oga sida uu u maareyn doono xaaladan, inkastoo isaga iyo madaxweynaha ay isku maandhaafsan yihiin arrinta maamul u sameynta koonfur Galbeed ee Soomaaliya.
Wadani.com
Muqdisho
[ad name=”HTML”]
