Guddoomiyaha Gobolka Banaadir Taabit Cabdi Maxamed iyo duq cusub ee Muqdisho ayaa ka hadlay xilka loo magaaabay iyo arrinta uu muhiimadda koowaad siin doono.
Wuxuu sheegay howsha ugu weyn ee uu muhiimadd siin doono ay tahay inuu u shaqeeyo muwaadiniinta caadiga ah ee Gobolka Banaadir iyo reer Muqdisho iyadoo aan loo eegeyn cidda ay yihiin.
Isagoo u mahadceliyay dadka hambalyada u soo diray markii xilka loo magacaabay ayuu sheegay in dadka Soomaaliyeed ay xaq u leeyihiin in xaqsoor loogu adeego. “Dadkeena waxay istaahilaan in loogu adeego si cadaalad ah” ayuu yiri guddoomiyaha cusub ee Gobolka Banaadir Taabit Cabdi.
Farriimo uu soo dhigay bartiisa twitter-ka ayuu ku sheegay inuu ku sugan yahay magaalada Washingtion oo arrimo xil wareejin ah ku howlan yahay.
Khamiistii hore ee 6-da April 2017 ayaa xilka guddoomiyaha Gobolka Banaadir loo magacaabay Taabit Cabdi Maxamed oo hore u ahaa Qunsulka safaaradda Soomaaliya ee Washington.
Wadani.com
