Guddoomiyaha degmada Kaaraan Degmada Kaaraan Ciise Maxamud Maxamed ayuaa ka hadlay dagaal maanta ka dhacay xaafadha Wajeer iyo Nageyle ee degmada Kaaraan.
Guddoomiyaha wuxuu sheegay inay dagalka ka danbeeyeen ciidamada Guutafa 4-aad, qeybta 27aad ee uu hoggaamiyo Col. Saney Cabdulle Gaab, wuxuuna ku eedeeyay inay boob ka wadaan degmada, kuna hayaan amni darro.
“Ciidanka Taliyaha guutada 4-aad ee weerarka soo qaaday waxay boob ku hayaan dhulka Kaaraan, aniga ma aqaan sababta ciidao militari ah u joogaan gudaha Magaalada, waxaan ka dalbanayaa wasiirka Gaashaandhigga iyo Duqa Muqdisho in magaalada laga saaro ciidamadan” ayuu yiri Gudoomiyaha degmada Kaaraan.
Guddoomiyaha oo Warbaahinta kula hadlayey xafiiskiisa degmada Kaaraan ayaa sheegay in Ciidamada Millateriga ee jooga degmadiisa ay dhibaato ku hayaan dadka, isla markaan dagaalkii maanta uu dhaliyey barkaac iyo qasaare kala duwan oo weli tirakoob ay ku hayaan.
Karaan si joogto ah u marti gelisay isku dhacyo iyo dagaallo dhex mara maleeshiyooyin iyo ciidamo milateri ah oo fadhigoodu yahay xaafado ka tirsan degmada.
Dagaalkii saaka ka dhacay degmada oo markii danbe uu ku baxay Taliyaha ciid,mada Milateriga ayaa la sheegay inuu u dhaxeeyay ciidamo ay kala hoggaaminayeen Korneyl Saneey Cabdulle Gaabiyo Ismaaciil Xaadoole oo labaduba ka tirsan Ciidanka Millateriga Soomaaliya.
