Waxa soo gabagabowday Codeynta wareega koowaad ee Doorashada Guddoomiye ku xigeenka koowaad ee Baarlamaanka cusub ee Galmudug oo lagu kala baxay.
Xilka Guddoomiye ku xigeenka koowaad waxaa ku tartamay C/llaahi Xersi Maxamed oo taageero ka heystay dowladda Soomaaliya iyo Saadaq Sheekh Yuusuf Ibraahim oo ay wadatay Ahlu suna, waxaana si weyn ugu guuleystay Musharax C/llaahi Xersi Maxamed.
Natiijada ayaa noqotay sida soo socota:
1- C/llaahi Xersi Maxamed oo helay: 59 C od
2- Saadaq Sheekh Yuusuf Ibraahim oo helay: 29 Cod
Waxaa xumaaday hal cod
Natiijadan ayaa ka dhigan in Ahlu suna ay far marnaan kala laabatay labadii jago ee ugu sareysay Baarlamaanka labaad ee Galmudug, waxaana hore ay u taageertay musharaxa C/naasir Aadan Cusmaan oo looga adkaaday tartanka guddoomiyaha Baarlamaanka Galmudug, iyadoo Ahlu suna ay si weyn u daneyneysay xilka guddoomiye ku xigeenka labaad oo ay u soo sharxeen Saadaq Sheekh Yuusuf.
Waxaa kaloo la doortay Guddoomiye ku xigeenka labaad ee Baarlamaanka Galmudug oo ay kusoo baxday Faadumo Cabdi Cali oo heshay 47 cod, halka musharixii la tartamay ee Maxamed Axmed Maalin uu helay 41 cod.
