Hanti dhowrka guud ee Qaranka Dr. Nuur Faarax Jimcaale ayaa faahfaahinka bixiyay howlihii u qabsoomay xafiiskiisa sanadkii 2014 iyo arrimo ay ku guuleysteen si loola socdo dhaqdhaqaaqa hantida dowladda.
Wuxuu caddeeyay in sanadkii hore 2014 lagu guuleystay in la dhaqan geliyo nidaamka “Single treasury Account” oo ah in meel qura kharashaadka wasaaradaha laga maamulo, taas daraadeedna ay ku guuleysteen inay xiraan 90% Xisaabaadkii ay Wasaaradaha ku lahaayeen Xawaaladaha, loona wareejiyay Bankiga Dhexe ee Soomaaliya, si loola socdo dhaqdhaqaaqa miisaaniyadooda iyo kharashka. Arrintaas ayuu sheegay inay sahli doonto la socoshada dhaqdhaqaaqa kharashka dowladda.
Sanadkan 2015 wuxuu sheegay hanti dhowrka guud inay ku talo jiraan iyagoo kala shaqeynaya wasaaradda maaliyadda in Oline ahaan lagu maamulo Miisaaniyadda dowladda, lagana koontaroolo internet-ka.
“Wuxuu dhib naga heystaa lacago “dowladu” oo aan lagu shubin Khasnada dhexe ee dowladda” ayuu yiri Dr. Nuur oo tilmaamay inay jiraan lacago dowladda soo gala oon soo gaarin halkii lagala socon lahaa ee Khasnada iyo Baniga dhexe.
Wasaarado fara badan ayaa xisaabaad “Acount” ku leh bankiyada xawaaladahu leeyihiin, waxaana wasaaradahaasi ka mid ahaa: Arrimaha Gudaha, Arrimaha Dibadda, Maaliyadda, Caafimaadka, Ganacsiga iyo kuwo kale, iyadoo wasiirada iyo gacan-yareyaashooda ay iska maamulan jiraan hantida qaran, waxaana weli furan xisaabaad kale oo weli aan la xirin.
Goobjooge.com
Muqdisho
[ad name=”HTML”]
