Hay’adda Macdanta iyo Shidaalka maamulka Puntland ayaa digniin u jeedisay Baarlamaanka Soomaaliya iyadoo digtay inay ansixyaan sharciga Shidaalka Soomaaliya, waxaana qoraal agaasimaha hay’adani Ciise Maxamud Faarax (Dhalowaa) uu soo saaray uu ku doodayaa sharcigani ka hor imaanayo dastuurka dalka.
Arrinta ugu weyn ee Hay’adahi iyo agaasimaha ku doodayaan waxaa ka mida:
[blockquote style=”3″]Axdiga ku meelgaarka ah ee Jamhuriyadda Federalka Somaliyeed ee la sameeyey 2012kii ma siin Dawladda Jamhuuriyada Federalka Somaliyeed iyo Barlaamaanka Federalka Somaliyeed awood sharci oo ay ku sameeyaan shuruuc khusaysa arimaha khayraadkada dabiiciga ah, amaba shidaalka iyo macdanta Soomaaliya. Waxaa amuurtaasi ku cadahay Qodobada 45 iyo 55 ee Axdiga kumeel gaarka ah ee Jamhuriyada Federalka Somaliyeed.[/blockquote]
Ma aha markii ugu horeysay ee maamul goboleedka Puntland ka hor yimaado shaqooyinka Hay;adaha Federaalka Soomaaliya, laakin waa markii koowaad hay’ad maxali ah oo goboleed ay digniin noocan oo kale ah u soo dirto Baarlamaanka Soomaaliya.
Puntland oo caadiyan ka horjeedka dowladda Federaalka caado ka dhigatay ayaa laf ahaanteeda ku dooda inay xaq u leeadahay inay heshiisyo la gasho shirkado shisheeye oo shidaal qodis muddo dheer ka waday degaanada Puntland, waxayna u dhaqantaa sida dowlad madax bannaan, halka ay ka horjeedo in Baarlamaanka Federaalka uu sharciyo soo saaro ay dowlada Federaalka ay heshiisyo gasho.
Wadani.com
[ad name=”HTML-1″]
