Horjooge ka tirsan Alshabab ayaa lagu qabtay Gobolka Jubbada Hoose ee mamulka Jubbaland, kaasoo u qaabilsanaa Miinooyinka.
Ciidanka Kumaandooska Danab, gaar ahaan Ururka 5-aad guutada-16 ee oo howlgal ka sameeyay degaanada kala ah Yaaq Bishaar, Buulo-xaaji, Kaam-jirroon iyo Warta Biloow ee gobolka Jubbada hoose ayaa sheegay inay gacanta ku dhigeen horjoogihii Alshabaab u qaabilsanaa Miinooyinka.
Ninkan ayaa magaciisa lagu sheegay Xasan Cabdullaahi Abshir (Abuu Faaruq), waxaa l asheegay inuu ahaa ninka miinooyinka wadooyinka geliya ee halista geliyay dadka, ciidamada iyo gaadiidka kale.
Howlgalkan ayaa la sheegay in sidoo kale lagu dilay laba ka tirsanaa Malleeshiyada Al-shabaab, waxayna Ciidamadu kasoo saareen Miinooyin ay dhulka ku aaseen Alshabaab, sida uu warbaahinta Dowladda Taliyaha Ururka 5-aad, guutada 16-aad eev kumaandooska Danab, Taliye Carab Dheeg Axmed.
Dhinaca kale nin 10 sano Alshabaab ka mid ahaa ayaa maanta isu dhiibay ciidamada dowladda ee k usugan magaalada Buulobute ee Gobolka Hiiraan, isagoo sheegay inuu ka xumaaday hab-dhaqanka Alshabaab.
Saraakiisha Ciidamada iyo maamulka degmada Buula-burde ee gobolka Hiiraan ayaa soo dhoweyn u sameeyayMaxamed Cabdi Jimcaale oo kasoo goostay Al shabaab, kadib muddo ka badan 10 sano oo uu darawalnimo ugu shaqeynayay.
