Howlgal ay magaalada Paris ee dalka Faransiiska ayaa sheegay in lagu dilay laba ruux oo lagu tuhunsanaa inay qeyb ka ahaayeen weerarkii Paris. Dadka dhintay waxaa ka mida haweeney is qarxisay, xilli booliiska ay howlgal ku bartilmaameedsadeen mintid ka tirsan kooxda Daacish oo la tuhunsan yahay inuu ka dambeeyeyey weeraradii jimcihii lagu qaaday Paris.
Mas’uuliyiinta ayaa sheegay inay baadi goobayeen Abdelhamid Abaaoud oo ah nin Biljamka u dhashay oo asal ahaan kasoo jooda Morocco, islamarkaana qof kale uu weli isku dhex qarinayo dhismaha howlgalka laga fuliyey.
Ka sokow haweeneyda is qarxisay, booliiska waxa ay sheegeen in qof kale lagu dilay, saddex sarkaalna lagu dhaawacay howlgalka.
Bayaan kasoo baxay xafiiska dacwad oogaha ayaa lagu sheegay in saddex qof oo ku sugnaa dhismaha howlgalka laga fuliyey la xiray, islamarkaana laba qof oo kale lagu qabtay meel banaanka ah.
Booliiska magaalada Paris ayaa iyaguna sheegay in 16 qof la xiray tan iyo axadddii ayaga oo lala xiriinayo weeraradii dhacay jimcihii oo 129 qof lagu dilay islamarkaana lagu dhaawacay 350 qof oo kale.
