Akhriso taariikhda Madaxweynaha cusub ee Maamulka Tigreega Itoobiya iyo Maamulkaasi oo laga cabsi qabo inuu Itoobiya ka go’o
Is-mamulka Qowmiyada Tigreega ee dalka Itoobiya ayaa Madaxweyne cusub u doortay nin halgamaa ah oo hore u ahaa madxweyne ku xigeenka maamulkaasi.
Debretsion Gebremichael ayaa loo doortay maanta inuu noqdo Madaxweynaha cusub ee is-maamulka Tigreega, kadib doorasho degaankaasi iskiis u qabsaday oo uu ku diiday inuu dib u dhigo, taasoo ay sharci darro ku tilmaantay dowladda Federaalka Itoobiya.
Madaxweynaha cusub ee Tigreega Debretsion Gebremichael wuxuu ka mid ahaa Jabhadii TPLF iyo ee talada hayey ka hor Ra’iisal wasaare Abiy ahmed; wuxuuna taageero aqlabiyad ah ka helay xildhibaannada lagu doortay doorashada dhowaan ka dhacday maamulka Tigreega.
wuxuu ka mid ahaa jabhadii TPLF ee 17-ka sano dagaalka hubeysan la gashay dowladii milaterif Derg, wuxuuna waxbarashadiisa jaamacadda joojiyey si uu ugu biiro jabhada sanadkii 1970. Markii danbe ayuu qaatay shahaadada bachelor-kaiyo master-ka isagoo Jaamacadda Addis Abeba University (AAU) uga qalin jebiyey Injineer dhinaca Korontada ah, kadibna wuxuu PhD ka qaatay Jaamacadad 2011.
Sanadkii 2018 ayaa loo madaxweyne ku xigeenka Tigray state oo awoodda uu heystay, inkastoo aanu madaxweyne ahayn, taasoo ay ka hortaagneyd inuusan ka mid ahayn xildhibaanadda maamulka. Wuxuu soo noqday Wasiirka Xiriirka Tiknologiyada, iyo Ra’iisal wasaare ku xigeenka Itoobiya markii uu Ra’iisal wasaaraha ahaa Hailemariam Desalegn.
Wuxuu Debretsion Gebremichael hoggaamin doonaa halganka adag ee Tigreega kala dhaxeeya Dowladda Federaalak Itoobiya, iyadoo cabsi laga qabo in is-maamulkan uu ka goosto dowladda Itoobiya inteeda kale, wuxuuna diiday inuu qeyb ka noqdo doorashada Itoobiya.
