Wararka laga helayo magaalada Boosaaso ayaa sheegaya in is rasaaseyn dhex martay dabley weerar ku qaaday Sarkaal ka tirsan Ciidanka Ilaalada Canshuuraha Berriga ee Puntland iyo ilaalada sarkaalka.
Sarkaalka la weeraray magaciisa lagu sheegay Cabdiweli Abshir Cabbaas, waxaana rasaasta dhacday la sheegay inuu ku dhinayqof kasoo jeeda Qowmiyadda Oromada ee Itoobiya ee ku nool magaalada BOosaaso, iyadoo ay falkaasi kadib goobta ka baxsadeen dableydii weerarka qaaday.
Dhinaca kale ciidamada amniga ayaa howlgal ka sameeyay xaafado ka tirsan magaalada Boosaaso, iyagoo baadi goobaha dableyda magaalada dhexdeeda weerarka ka geystay.
Weerarka ka dhacay magaalada ayaa ka mida weerarro joogto oo muddooyinkii danbe ka dhacayey magaalada Boosaaso, balse weli ma jirto koox sheegtay.
