Mid ka mida Jaamacaddaha ugu waaweyn magaalada Muqdisho ayaa ku jirta jawi ka duwan midkii waxbarashada ee caadiga ahaa, waxaana ka socda doorasho…!!!. Arday ka badan 4000 ayaa maanta dooranaya madaxweynaha xukuumadda ay leeyihiin ardayda jaamacadaasi, iyadoo ay sharxan yihiin. Jaamacadda SIMAD ayaa hergelisay nidaam ardaydu isku doortaan si ay hogaan u sameystaan.
- LABA QOF OO U SHARXAN JAGADA GUDDOOMIYAHA AMA MADAXWEYNAHA ARDAYDA JAAMACADDA
- SADDEX QOF OO U SHARXAN GUDDOOMIYE KU XIGEENO
- LABA QOF OO U SHARXAN XOGHAYAHA GUUD
Mustaf C/llaahi Xasan oo madax ka ah Guddiga doorashada SIMAD oo ka kooban 20 xubnood ayaa sheegay inay howsha doorashada oo maanta 10-ka May 2015 oo dhan socon doonta ay u socoto sidii ay ugu talo galeen. Jaamacadda SIMAD ayaa hore u sameysatay ururo ardayeed, waxaana xarunta weyn ee Jaamacadda hareeyay howsha doorashada iyadoo la arkayay arday fara badan oo safaf dhaadheer ugu jira doorashada guddoonkooda, waxaa sidoo kale soo jiidasho leh nidaamka doorashada loo hagayay iyo boorarka musharixiinta ee xarunta ka dhex muuqday.
Ka sokow nidaaminta ardayda jaamacadda waxay doorasho noocan oo kale ah jiilka soo koraya ka baran karaan dhaqanka is doorashada iyo hogaaminta, iyadoo aan loo marin qaab khaldan sida dagaal iyo awood. waxayna barbar socotaa Soomaaliya oo lagu wado in doorasho ka dhacdo 2016-ka. Jaamacadda SIMAD ayaad moodaa inuu hiigsigeeda cusub u hirgalay iyadoo dowlada Soomaaliya oo uu hogaamiyo madaxweynaha dowladda Federaalka Xasan Sheekh Maxamuud oo Jaamacadaasi mar hogaamin jiray ay dowladiisu la tacaaleyso sidii ay doorasho dalka uga dhici lahayd.
Wadani.com
[ad name=”HTML”]
[ad name=”HTML-6″]
