Xiriirka Kubadda Cagta Soomaaliyeed ayaa laga soo xigtay inaysan jirin wax khalad ah oo ku jira inuu kooxda Puntland
u safto ciyaaryahanka kabtanka u ah ee Cabdisalaan Dhiidhiye oo la sheegay inuu ka mid noqday xulka Qaranka Soomaaliya oo ay sharci darro ahayd inuu u safto kooxda Puntland.
Kabtanka kooxda Puntland Dhiidhiye ayaa hogaamin doona kooxdiisa Puntland waxayna arrintan meesha ka saareysaa warar la faafiyay oo ku saabsanaa inuu seegayi doono ciyaarta kama danbeysta ah ee beri oo talaado ah dhex mari doonta kooxda Jubaland iyo Puntland
Sida ku qoran xeerka tartanka waxaa tartanka maamul-gobolleedyada mamnuuc ka ah ciyaaryahan kasoo muuqday ama u ciyaara kooxaha heerka koowaad ee horyaalka kubadda cagta dalka, mana jiraan wax ka reebaya in Kabtanka Puntland uu kooxda degaankiisa u safto.
Kabtanka Puntland wuxuu hore uga mid noqday xulka Qaranka Kubadda Cagta Soomaaliya ee sanadkii 2009 ee ka qeyb galay ciyaaraha Bariga iyo Bartamaha Afrika, waxuuna sidoo kale qeyb galay ciyaaraha gobolada dalka ee sanadki 2010 lagu qabtay magaalada Garoowe isagoo kabtan u ahaa gobolka Sool.
Wadani.com
