Wararka laga helayo magaalada Jowhar ee xarunta maamulka Hirshabeelle ayaa sheegaya inuu halkaasi ka socdo olole looga soo horjeedo golaha wasiirada uu magacaabay Madaxweyne Cali C/llaahi Cosobole.
Beelo dhowr ah ayaa ka hor yimid qaabka loo magacaabay Golaha wasiirada waxayna ku eedeeyeen madaxweynaha inuu ku takri falay isla markaana si miisaan la’aan ah u magacaabay golaha wasiirada Hirshabeelle.
Beesha Jareer, siiba Shiidle ayaa ka hor timid golaha wasiirada, waxyana ku doodeysaa inuu balantii uga baxay beesha oo hore loo qoondeeyay in la siiyo Wasiirka Maaliyadda, kadib markii ay ka hartay tartanka Guddoonka Baarlamaanka Hirshabelle, balse madaxweynaha xilkaasi siiyay beeshiisa iyo weliba nin ay saaxiibo yihiin.
Waxaa jira beelo fara badan oo iyaguna dood ka qaba golaha wasiirada cusub, iyagoo madaxweynaha ku eedeeyay inuu beeshiisa iyo shaqsiyaad ay saaxiibo yihiin u sed buriyay.
Beelaha qaarkood ayaa la sheegay in hal wasaarad la wada siiyay, halka qaar kale wasiir ku xigeeno lagu safay, arrimahan oo dhaliyay guux fara badan oo madaxweyne Cali C/llaahi Cosoble lagu eedeeyay inuu keligiis iska magacaabay gole wasiiro u dhaxeeya umad dhan.
38 xidhibaan ayaa ka mida Golaha Wasiirada cusub ee madaxweynaha Hirshabeelle magacaabay, waxayna tanui ka dhigan tahay in baarlamaanka Hirshabeelle ay in badan oo ka mida golaha wasiirada ka mid yihiin.
Waxaa lagu wadaa in wasiiro iyo wasiir ku xigeeno la magacaabay ay ku dhawaaqaan inay iska casilaan xilalka loo magacaabay, waxaana laga cabsi qabaa xiisad siyaasadeed oo ka qaraxda Jowhar.
Wadani.com
