Warbaahinta Soomaalida iyo baraha bulshada ayaa si weyn loogu baahiyey su’aalo la sheegay in la weydiin doono Ra’iisal wasaaraha Soomaaliya Xasan Cali Kheyre oo socdaal shaqo ku joogo dalka Mareykanka.
Su’aalahaan waxaa lagu daabacay wargeyska Washington Examiner , waana qormo ama maqaal uu qoray faalle-qore wax ku qora wargeyskaasi oo lagu magacaabo Michael Rubin, kaasoo qoraalkiisu ku cad yahay inuu yahay ‘Ra’yi’ uu isagu leeyahay, balse aanu ahayn war kasoo baxay dowladda Mareykanka ama hay’adaha uu martida u yahay Ra’iisal wasaaraha amab xitaa laga soo xigtay mas’uul Mareykan ah.
Waxaa muhiim ah in saxaafadda iyo dadka caadiga ah ogaadaan in qormadaasi ay tahay mid uu shaqsi qoraa ah ku cabiray fekerkiisa ujeedkuna yahay in madaxda Mareykanka saameyn lagu yeesho, waxaana ninka qormada qoray uu yahay nin heysta dhalashada Mareykanka iyo Israel oo ka tirsan hay’adda Yuhuudda Mareykanka ee AIPAC, mar wuxuu ka tisanaa wasaaradda gaashaandhigga Mareykanka; wuxuuna hadda u ololeyaa gooni isu taagga Somaliland.
Micheal Rubin wuxuu Bishii Febrayo 2019 booqday Somaliland, isagoo hore u qoray maqaallo uu dowladda Mareykanka ugu baaqayo inay aqoonsato Somaliland, halka uu si joogto ah u weerarro dowladda Federaalka Soomaaliya, kuna baaqa in la joojiyo taageerada uu siiyo Mareykanka.
U.S. Africa Policy Cannot Afford to Ignore Somaliland
Qodobadda maqaalkiisa ku qoran waxaa ka muuqta qaarkood inuusan macluumaad badan ka heysan xaaladda Soomaaliya, halka qaarkoodna ay xadgudub ku yihiin xiriirada diblomaasi ee dalalka ka dhaxeeya, laakiin waa qormo uu qoray nin la kiresytay oo lagu doonayey in saameyn lagu yeesho socdaalka Ra’iisal wasaaraha ee Mareykanka.
Mareykanka waxaa ka mida shaqooyinka lacagaha badan laga helo qoraallada iyo baaritaanka ay sameeyaan mas’uuliyiinta hore ee Mareykanka oo furta hay’ado cilimi baaris ah, kadibna hadba u ololeeya dowladda ama ciddii kireysata.
Waxaa la yaab noqotay inaan qormada Micheal Rubin lagu sameyn wax raadraac ah oo saxafiyiin iyo warbaahin badan u qaateen su’aalo dhab ah oo la weydiinayo Ra’iisal wasaare Kheyre, kana dhigaan war weyn oo mudan in la faafiyo.
10 questions Somalia’s prime minister should answer in Washington
Michael Rubin is a contributor to the Washington Examiner’s Beltway Confidential blog. He is a resident scholar at the American Enterprise Institute and a former Pentagon official.
Michael Rubin. Holds American & Israeli dual citizen. AIPAC influential member. Fanatical Zionist West Bank settler. Ex-Israel Defence Force member. Now a lobbyist associated with American Enterprise Institute, leading enforcer of the Iraq war. Now a spin doctor for ‘Somaliland.’
