KASHIFAAD: Maxaa ka jira in Shaqaalaha Xafiiska Ra’iisul wasaaraha lagu qorto qaab Qabiil?

Warbixinno lagu faafiyay qaar ka mida website-yada Soomaalida ayaa Xafiiska Ra’iisul wasaaraha Soomaaliya ku eedeyay shaqaaleysiin qabyaalad ku saleysan, waxaase la ogaaday inay arrintaasi ahayd mid been abuur, sida ku cad liiska shaqaalaha kaarar oqoonsi loo sameeyay oo aanu helnay.

Shaqaalaha la sheegay inay kaararka loo dalbay oo ah shaqaale horay xafiiska uga tirsanaa balse loo cusbooneysiiyey kaararkooda aqoonsiga oo gaaraya 24 qof ayaa ka soo jeeda qabaa’il kala duwan ee Soomaalida, taasoo  meesha ka saareysa warbixinnada laga faafiyey Xogahayaha Joogtada ah ee lagu eedeeyaay inuu shaqaaleysiiyay dad isaga la heyb ah.

Warbixinnada ayaa si gaar ah u bar-tilmaameedanayay xoghayaha cusub ee Xafiiska Ra’iisul wasaaraha Axmed-Nuur Maxamed oo muddo kooban xilka ku magacaaban, balse dib-u-habeyn ballaaran ka billaabay nidaamka shaqo ee xafiiska ugu sareeya xukuumadda Soomaliya.

Qoraallada lagu daabacay dokumiintiyada kaararka loogu dalbay shaqaalaha ayaa la sheegay inuu ka dambeeyay nin la heyb ah Ra’iisul wasaare Kheyre, kasoo hore looga ceyriyay xafiiska Ra’iisul Wasaaraha; isagoo ka mid ahaa shaqaalaha aan joogatada ahayn.

Waxaaan halkan kusoo bandhigeynaa xaqiiqada magacyada iyo qabaa’ilka ay ka soo jeedaan shaqaalaha ay magacyadoodu ku caddeeyeen warqadaha codsiga kaararka aqoonsiga ee la baahiyay:

Wadani.net