Wakiilka Xoghayaha guud ee Q/Midoobay ee Soomaaliya Micheal Keating ayaa shaaciyay caqabada hortaagan madaxweynaha Soomaaliya ee laga doonayo inuu wax ka qabto sanadka soo socda ee dowladiisa.
Keating oo farriintiisii 1-da Luulyo ku xusay qodobadan ayaa ku sheegay in madaxweyne Farmaajo, dowladiisa iyo madaxda maamul goboleedyada ay hortaallo inay xal ka gaaraan arrimo ay ka mid yihiin:
1 – Xal ka gaarista khilaafka soo taxnaa ee ku saabsan qaabka loo qeybsanayo Kheyraadka iyo arrimaha Xuduudaha.
2- Wax u qabashada dadka ku barakacay abaaraha iyo dagaalada argagixisada.
3- Heshiis laga gaaro dib u eegista qodobadda asaasiga ah Dastuurka KMG ah (sida awood kheyraadka iyo qeybsiga Dakhliga).
“Waxaa jiri doono kala duwanaansho iyo is qabsi, laakiin waxaa xal looga gaari karaa haddii madaxda Soomaalida ay ka dhab ka tahay inay wadajir ugu shaqeeyaan danaha guud” ayuu yiri wakiilka xoghayaha guud ee Q/Midoobay u qaabilsan Soomaaliya oo intaas ku daray in go’aan noocaasi lagu wajihi karo Alshabaab.
Madaxda dowladda Federaalka iyo kuwa maamul Goboleedyada ayaa Muqdisho ku shirsan iyagoo ku wada jira Gole la baxay Amniga Qaranka.
Wadani
