Khilaafkii ka taagnaa xubnaha Aqalka sare ee loo qoondeeyay Somaliland ayaa weji cusub yeeshay kadib markii siyaasiyiin kala duwan ay qoraal kasoo saareen Muqdisho.
Qoraala cusub oo ay wada saxiixeen siyaasiyiinta kasoo jeeda beelaha waqooyi oo ay ka mid yihiin Ra’iisal wasaare ku xigeenka xukuumadda Soomaaliya Maxamed Cumar Carte, madaxweyne ku xigeenka Puntland C/xakiin Cumar Camey iyo xubno kale waxaa lagu dalbaday in beelaha waqooyi (Somaliland) laga siiyo Aqalka sare xubno u dhigma 33% oo ah 18 xubnood.
Siyaasiyiinta khilaafkii taagnaa wejiga cusub u sameeyay ayaa qoraalkooda ku cadeeyay awood qeybsi ay ku sheegeen inay ku dhisan tahay dowladda Soomaaliya oo ah Waqooyi iyo Koonfur.
Qoraalkan ayaa uga sii daraya murankii markii horeba ka taagnaa xubnaha Somaliland loo qoondeeyay oo la isku heystay sidii loo qeybin lahaa, lama oga saameynta ay ku yeelan doonto doorashada xaaladeedu kasii dareyso.
AKHRI QORAALKA
Wadani.com
