Kooxda Alshabaab ayaa afar qof oo lagu eedeeyay basaasnimo ku toogtay fagaaraha degamada Bu’aale ee xarunta Gobolka Jubadda Dhexe.Maxkamadda Alshabaab ayaa afartan nin ku soo eedeysay inay Basaasiin u ahaayeen caddowga ayna dhammaantood qirteen dambiyada ay galeen, iyadoo lagu eedeeyay inay basaas u ahaayeen Itoobiya.
Goobta dilka lagu fuliyay waxaa la isugu keenay dadweyne boqolaal qof ah, kuwaasoo daawanayay dilka toogashada ah, waxayna magacyada ragga la toogtay ay kala yihiin:.
1-C/risaaq Xaashi Cabaas oo lagu eedeeyay inuu u shaqeynayay Sirdoonka Itoobiya.
2-Cumar Cadar Cumar oo ahaa 25 sano jir laguna eedeeyay inuu u shaqeynayay PS-ta dowladda Federaalka.
3-Maxamed Aba Mayoow oo lagu edeeyay inuu u basaasayay dowladda Federaalka.
4-Mustaf Macalin Xasan oo lagu eedeeyay inuu u shaqeynayay sirdoonka Itoobiya.
Maxkamadaha Alshabaab ayaa xukunnada noocan ah saldhig uga dhigay qirasho taasoo dood badan laga keeno.
