Iyadoo shirkii madaxda maamul Goboleedyada uu ku soo dhammaaday magaalada Kismaayo, lana sugayo war-murtiyeedka kasoo bixi doona ayaa waxaa soo baxaya faahfaahin ku saabsan doodihii shirka ka dhacay.
Shanta madaxweyne ee maamul Goboleedayda shirka isugu tegay ayaa la sheegay inay ku kala aragti duwanayaaeen sida loola macaamilayo iyo go’aanada laga qaadanayo dowladda Fedderaalka, waxaana laba ka mida madaxdaasi ay soo jeediyeen in War-murtiyeedka lagu daro inay maamullada dalka xiriirka u jaraan dowladda Federaalka.
Madaxweynaha Galmudug Axmed Ducaale Geelle (Xaaf) iyo Madaxweynaha Koonfur Galbeed Shariif Xasan Sheekh Aadan ayaa soo jeediyay in la joojiyo wixii xiriir ah ee kala dhaxeeya dowladda Federaalka iyadoo looga jawaabayo faragelinta ay ku sameysay maamullada Galmudug iyo K/Galbeed.
Madaxweynaytaasha maamul Goboleedyada kale ayaa arrintaas ka hor yimid, iyadoo Axmed Madoobe ka digtoonaa in shirka Kismaayo uu noqdo mid lagu abaabulo mucaaradnmo ka dhan ah dowladda Federaalka, taasoo keentay in qodobkaasi oo si weyn looga dooday laga saaro war-murtiyeedka shirka.
GOOBJOOGE
