Puntland ayaa noqotay maamul goboleedkii Afraad ee soo dhameystira doorashada xubnaha Aqalka Sare ee Baarlamaanka Federaalka Soomaaliya.
Waxaa saaka ka bilaabatay Baarlamaanka Puntland ee magaalada Garowe doorashada 11-ka kursi ee Puntland ku leedahay Aqalka Sare ee Baarlamaanka Soomaaliya. waxaana iyadoo aan loo kala kicin u dhacday si habsami leh.
Xubnaha Puntland u doortay inay u metelaan Aqalka Sare waxay kala yihiin:
1 – Cumar C/rashiid Cali Sharma’arke (47 Cod) – Ra’iisal wasaaraha Soomaaliya, oo ahaa senator-kii koowaad ee kursiga beeshiisa loo doortay, waxaa la tartamayay Aaminana (17) .
2 – C/raxmaan Maxamed Maxamuud -Faroole- (59 cod) -Madaxweynihii hore ee Puntland ayaa ku guuleystay kursigii labaad, isagoo cod aqlabiyad ah kaga helay musharixii la tartamay Cabdi-mahdi Abshir Cismaan (5 cod).
3 – C/risaaq Cusmaan Jurrille (33 cod) – Xildhibaan iyo wasiir hore oo caan ku ah siyaasadda Soomaaliya ayaa isna ku soo baxay kursigii saddexaad ee Aqalka sare. Tartan adag ayaa soo wajahay Professorka isadoo si dirqi ah iyo hal cod oo kaliya uga guuleystay Hodan Ismaaciil (32) oo tartan adag la gashay, isla markaana sigtay inay kursiga qaadato.
4 -Farxaan Cali Xuseen (36 cod) oo ah nin dhalinyar ayaa ku guuleystay kursigii 4-aad, iyadoo ka guuleystay siyaasiga ruugdcadaaga ah Cali Ismaaciil Giir (29 cod).
5 – C/sallaan Xaaji Maxamuud Dheere (45 cod) ayaa ku guuleystay kursigii shanaad oo loo codeeyay, isagoo ka guuleystay, Faarax Cawed oo helay (20 c0d).
6 – Mahad Sheekh Daahir Axmed (36) ayaa ku guuleystay kursigii 6aad ee Aqalka sare, isagoo ka guuleystay C/xakiim Axmed Xaashi oo heley (28).
7- Hodon Maxamud Cismaan (35 cod) ayaa ku guuleysatay Kursigii 7-aad ee Aqalka sare, kursigan oo ay ku loolamayeen laba haween waxaa laga guulaystay Basra Cumar Geele (30). wuxuu ahaa kuri si fiican loogu loolamay.
8 – Bootaan Barre Samatar (38 cod) ayaa ku guuleystay kursigii 8-aad ee Aqalka sare ee Baarlamaanka, isagoo ka adkaatay Gen. Maxamed Siciid Xersi -Morgan- (27 cod) oo loo saadaalinayay inuu ku guuleysan doono.
9 – Maxamuud Axmed Maxamuud ayaa ku guuleystay kursigii 9-aad ee xubnaha metelaya Aqalka Sare ee Baarlamaanka. Wuxuu ka guuleystay Faadumo Siciid Maxamed.
10- Siciido Xasan Cismaan (41 cod) ayaa ku guuleysatay Kursiga 10-aad, iyadoo ka adkaatay Siciid Maxamuud Aadan (23 cod) oo ugu danbeeyay saddex musharax oo kula tartamay kursiga, isla markaa saddex wareeg la isla gaaray, wuxuuna ahaa kursigii ugu adkaa intii ay socotay Doorashada xubnaha Aqalka Sare.
11- Shukri Aadan Maxamed (38 cod) ayaa ku guuleysatay kursigii ugu danbeeyay ee 11-aad ee Aqalka sare kasoo galaya degaanada Puntland. Waxay ka guuleysatay Seynab Xaashi Biixi (24 cod).
Waxaa sidaasi ku soo gabagaboobay Soorashadii xubnaha Aqalka Sare ee baarlamaanka Puntland u doortay inay u metelaan Aqalka sare ee baarlamaanka Soomaaliya.
Diyaariyiintii iyo isku duba ridkii Wadani.com
