Shirkii labada maalmood uga socday magaalada Muqdisho dowlada Federaalka, maamulada dalka ka jira iyo wakiilada beesha caalamka oo ay wehliyaan hay’adaha caalamiga ah ee adduunka ayaa lasoo gabagabeeyay galabta iyadoo laga soo saaray 37 qodob oo ku saabsan xaaladda Soomaaliya.
Qodobada la isla meel dhigay waxaa ka mida 37 qodob waxaan goobta shirka ka akhriyay wasiirka arrimaha dibadda Soomaaliya C/salaan Cumar Hadliye Cumar.
Qodobada ka soo baxay shirka waxaa ka mid ahaa in la taageero maamul goboleedka Galmudug iyo Golaheeda Baarlamaanka, dib u dhiska hay’adaha dowlada iyo dar dar gelinta gudiga doorashooyinka dalka.
Arrimaha shirka lagu gaaray oo aan idin soo koobnay waxay kala ahaayeen:
- Dhameystirka Federaalka, dardargelinta howlaha Wasaaradaha dowlada u xilsaaranyihiin, sii wadida dhameystirka howlaha qabsoomay iyo dib u habeynta Garsoorka,
- Dib u eegista dastuurka, iyadoo loo marayo hab sharciyeysan oo federal ah loona wada dhan yahay
- Sii wadista dagaalka ka dhanka argagaxisada ee ay wadaan ciidamada Qaranka Soomaaliya iyo AMISOM iyadoo la dardar gelin doono qorshaha wadajirka ah ee labada ciidan .
- Dardar gelinta dhaqaalaha iyo kaalmada caalamiga ah iyadoo la marsiinayo Bankiga dhexe ee Soomaaliya, lana tixraacayo sharcigii 1989-kii, kabista dhaqaalaha, dowlad wanaaga, iyo maamul baahinta
- Dib u eegsita, waxayaabihii u qabsoomay dowladda
- In ahmiyad gaar ah la siiyo Qaxootiga Soomaaliyeed ee Yeman kasoo qaxay loona helo dib u dejin
- Waxaa la garwaaqsaday inaysan duruuftu Soomaaliya ka jirta saamaxeyn in 1 qof iyo hal cod loo dareero, taas bedelkeedana ay dalka ka dhici doonaan doorasho ka balaaran tii hore u soo martay dalka.
- Ma jiri doonto muddo kordhin marka uu dhamaado waqtiga Dowladda federaalka ah ee ku eg sanadka 2016.
Wadani.com
[ad name=”HTML-1″]
