Maamulka Gobolka Banaadir ayaa ayaa soo bandhigay diyaargarowga qeybta gurmadka degdegga ah oo heegan la geliyey, kadib markii laga digay roobab waaweyn iyo duufaano kusoo wajahan Soomaaliya.
Dowladda Hoose ee Muqdisho ayaa diyaarisay dhammaan Gaadiidka waaweyn, kuwa gurmadka degdegga ah iyo shaqaalaha gurmadka oo heegan ku jira, waxaana kormeeray Guddoomiyaha gobolka Banaadir Cumar Maxamud Maxamed (Cumar Filish) oo tegay xarunta xarunta gaadiidka dowlada hoose Xamar, waxaana la socday guddoomiye ku-xigeenada maamulka gobolka Banaadir ee Maaliyadda iyo Howlaha Guud.
Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) waxa uu ka hadlay sida ay dowlada hoose Xamar diyaar ugu tahay inay bulshada ugu adeegto xilliyadan ay jiraan xaaladaha degdegga ah.
