Maamulka Jubbaland ayaa shaaciyey in howlgalka dhacay magaalada Kismaayo lagu qabtay koox hubeysan oo la sheegay inay qorsheyneysay xaalad amni darro.
Sida laga soo xigtay saraakiisha maamulka Jubbaland howlgalka ayaa lagu qaaday kooxdan hubeysan iyadoo dagaal ka qarxay magaalada uu geystay qasaare kala duwan, waxaana howlgalka kadib la sheegay in gacanta lagu soo dhigay koox ka kooban 11 qof oo hubeysan.
“Ciidamadda Amniga dowlad Goboleedka Jubbland oo Maanta kafuliyay Magaaladda kismaayo Howlgal lagu xoojinayo Amniga Magaaladda ayaa gacanta kusoo dhigay inta uu Howlgalka Socday 11, Ruux oo ahaa koox Hubeysan islamarkaana doonayay in ay Abuuraan xasilooni daro Amni iyaga iyo Hubkoodii..” ayuu yiri afhayeen ciidamada Jubbaland Saciid joogsade
Dagaalka ka dhacay Kismaayo ayaa ka dambeeyay amarro ka soo baxay maamulka Axmed Madoobe oo lagu mamnuucay in wax hub ah lagu dhex qaato magaalada, waxaana ku dhintay 4 qof oo mid ka mida uu nabadoon yahay.
