Maamulka kumeelgaarka ah ee Juba ayaa shir uu maanta yeeshay kadib go’aankii Baarlamaanka Soomaaliya sharci darro uga dhigay Golaha wakiilada maamulkaasi ayaa laga soo saaray in maamulka Jubba uu xiriirkii u jaray dowlada Federaalka Soomaaliya.
Kulanka oo ka dhacay xarunta Madaxtooyada waxaa ka qeyb galay xubnaha Baarlamaanka Jubba ee sharci darrada noqday, waxayna ku baaqeen in Xildhibaanada ugu jira Baarlamanka Soomaaliya inay isaga soo baxaan Baarlamaanka Federaalka ayna tagaan Magaalada Kismaayo.
Madaxweyne ku xigeenka Koobad ee Maamulka Jubba Cabdullaahi Sheekh Ismaaciil (Fartaag) ahna ku simaha hogaamiyaha Jubbaayaa shaaciyay in maamulka KMG ah ee Jubba uu xirirkii u jaray dowlada Federalka Soomaaliya. Wuxuu intaas ku daray in aysan aqoonsaneyn Baarlamaanka Muqdisho, ayna Soomaalida kale isu imaan doonaan markii maamulada kale la soo dhiso ee ay Baarlamaan dhistaan.
Go’aanadan oo si degdeg ah loo soo saaray oo xitaa taariikhda ku qoran qoraaka soo baxay uu khaldan yahay ayaan la ogeyn macnihiisa, iyadoo marka ay wadatashi ugu yeereen xildhibaanada Federaalka ugu jira, marna ay kalsoonida kala noqdeen Baarlamaanka taasoo laf ahaanteeda is weydiin leh cidda awoodda u leh inay wax aqoonsato.
Arrintan ayaa ah suno ay hore u jideysay maamul goboleedka Puntland oo marar badan ku dhawaaqday inay xiriir u jartay dowlada Federaalka.
HOOS KA AKHRISO QORAALKA MAAMULKA JUBBA
[ad name=”HTML-1″]
[ad name=”HTML-6″]
